کراچی سمیت سندھ میں ڈاکٹرز کی ایک بار پھر ہڑتال

کراچی سمیت سندھ میں ڈاکٹرز نے ایک بار پھر ہڑتال کر دی، ینگ ڈاکٹرز نے دیگر صوبوں کے مساوی تنخواہوں اور الاؤنسز میں اضافہ نہ کرنے کے خلاف او پی ڈیز اور آپریشن تھیٹر بند کر دئیے۔

تفصیلات کے مطابق سندھ بھر میں ینگ ڈاکٹرز نے ایک بار پھر ہڑتال کردی ہے جس کے باعث کراچی کےجناح، سول، این آئی سی ایچ، این آئی سی وی ڈی، لیاری اور جنرل اسپتالوں کی او پی ڈیز اور او ٹیز بند پڑی ہیں، ینگ ڈاکٹرز کی ہڑتال کے باعث علاج کے لیے آنے والے مریض پریشان ہیں۔

ینگ ڈاکٹرز کا کہنا ہے کہ ان کی تنخواہیں پنجاب کے ڈاکٹرز کے برابر کی جائیں، کرپشن ختم کی جائے اور الاونسز بھی بڑھائے جائیں۔ دوسری جانب جوائنٹ ایکشن کمیٹی کا کہنا ہے کہ حکومت دلاسے دینے کے بجائے نوٹیفکیشن جاری کرے۔