کراچی میں ڈکیتی کےدوران مزاحمت پر ڈاکٹر اور ڈرائیور زخمی

کراچی کے علاقےقائد آباد پل پر ڈکیتی کے دوران مزاحمت پر ڈاکوئوں کی فائرنگ سے ڈاکٹر اور آن لائن ٹیکسی ڈرائیور زخمی ہوگیاجنہیں فوری طورپراسپتال منتقل کردیاگیاہے۔

نجی ٹی وی چینل کے مطابق کراچی کے علاقے قائد آبادکے مرکزی پل پر نامعلوم ملزمان نے گاڑی میں سوار 3افراد سے لوٹ مار کی کوشش کی اوران کی جانب سے مزاحمت پر ملزمان نے فائرنگ کردی جس سے 2 افراد زخمی ہوگئے۔

زخمیوں کی شناخت ڈاکٹر وسیم اورگاڑی کے ڈرائیورطیب کے نام سے ہوئی ہے، طیب آن لائن ٹیکسی کمپنی میں گاڑی چلاتا ہے جبکہ ڈاکٹر وسیم کا بلال کالونی میں کلینک ہے۔

واقعہ کے وقت ڈاکٹر وسیم کلینک سے اپنےبیٹے کے ہمراہ رزاق آباد ٹریننگ سینٹر کے قریب واقع گھر جارہے تھےکہ حادثے کاشکارہوگئے۔

دونوں زخمیوں کو جناح اسپتال منتقل کردیا گیا جہاں ڈاکٹر وسیم کی حالت تشویشناک بتائی جاتی ہےجبکہ زخمی ڈرائیور طیب کورنگی کا رہائشی ہے۔

واقعہ کے بعد پولیس نے جائے وقوعہ سے شواہد اکٹھے کرکے تفتیش شروع کردی ہے اور واقعہ کامقدمہ درج کرلیا ہے۔