کراچی میں مقابلے کے بعد 2 زخمیوں سمیت 3 ڈاکو گرفتار، ایک شخص زخمی

کراچی پولیس نے مقابلے کے بعد 2ڈاکوئوں کو زخمی حالت میں ساتھی سمیت گرفتارکرلیاجبکہ نیو کراچی نمبر 5 میں فائرنگ سے ایک شخص زخمی ہوگیا۔

نجی ٹی وی کے مطابق کراچی کے علاقے محمود آباد میںرات گئے ڈاکوئوں کاپولیس سے سامنا ہوگیا جس کے بعد ہونےوالے مبینہ پولیس مقابلے میں 2 زخمی ڈاکوئوں کوان کے ساتھی سمیت گرفتار کرلیاگیا۔

پولیس نے زخمی ڈاکوئوں کوسرکاری اسپتال منتقل کردیا جبکہ تیسرےساتھی کو تھا نے منتقل کرکے مقدمہ درج کرلیا ہے، دونوں زخمی ڈاکوئوں کی صحت یابی کے بعد تفتیش شروع کی جائے گی۔

دوسری جانب جبکہ نیو کراچی نمبر 5 میں فائرنگ سے ایک شخص زخمی ہوگیاجسے فوری طورپر علاج کیلئے قریبی اسپتال منتقل کردیاگیا۔