پاکستان کےغیر ملکی قرضے تاریخ کی بلند ترین سطح پر پہنچ گئے

اسلام آباد: پاکستان کے غیر ملکی قرضے تاریخ کی بلند ترین سطح پر پہنچ گئے۔پاکستان کے مرکزی بینک کے مطابق پاکستان کا واجب الادا غیر ملکی قرضوں کا حجم 99 ارب11 کروڑ ڈالر ہوگیا ہے۔
اسٹیٹ بینک کے مطابق جون 2018 میں پاکستان کے ذمے بیرونی قرضے 95 ارب 34 کروڑ ڈالر تھےجبکہ رواں مالی سال کی دوسری سہ ماہی میں بیرونی قرضوں میں 2 ارب 37کروڑ ڈالر کا اضافہ ہوا۔
ذرائع کے مطابق قرضوں کےحجم میں سعودی عرب سے ملنے والے دو ارب ڈالر بھی شامل ہیں جب کہ یو اے ای اور سعودی عرب سے ملنے والے مزید ایک ایک ارب ڈالر اس قرض میں شامل نہیں۔
یاد رہے کہ گزشتہ دنوں وزیراعظم عمران خان نے کہا تھا ملک میں معاشی استحکام کیلئے اٹھائے گئے اقدامات کے مثبت نتائج برآمد ہونا شروع ہوگئے ہیں۔