قراقرم ایکسپریس کاانجن اور ایک بوگی خان پور میں پٹری سے اتر گئے

پنجاب کے علاقے خان پور میں کراچی سے لاہور جانے والی قراقرم ایکسپریس کاانجن اور ایک بوگی پٹری سے اتر گئے،خوش قسمتی سے کوئی جانی نقصان نہیں ہوا۔

غریب آباد پھاٹک کے قریب پیش آنے والے حادثہ کے باعث ریلوے ٹریک کے اپ سائڈکا ٹریفک معطل ہوگیا۔

عینی شاہدین کے مطابق حادثے کے وقت ٹرین کی رفتار بہت کم تھی جس کے باعث ٹرین ڈرائیور ٹرین کو بر وقت روکنے میں کامیاب ہوگیا اوربڑے نقصان سے بچ گئے۔

نجی ٹی وی کا ریلوے حکام کے حوالے سے کہنا تھا کہ واقعے کی وجہ سے ریلوے ٹریفک نہیں رکا، آدھے گھنٹے بعدحادثے کی شکار ٹرین کو دوسرا انجن لگا کر قریبی اسٹیشن ساجھا لے جایا گیا جس کے بعد ٹرین معمول سے کچھ تاخیر کے بعد اپنی منزل کی جانب روانہ ہو سکے گی۔