بلاول آج کوٹ لکھپت جیل میں نواز شریف سے ملیں گے

پیپلز پارٹی کے چیئرمین بلاول بھٹو زرادری آج لاہور کی کوٹ لکھپت جیل میں سابق وزیراعظم نواز شریف سے ملاقات کریں گے۔

نجی ٹی وی کے مطابق بلاول بھٹو زرداری قمرزمان کائرہ، مصطفی نواز کھوکھر، جمیل سومرو اور حسن مرتضی کے ہمراہ کوٹ لکھپت جیل سابق وزیراعظم نواز شریف سے ملاقات کریں گے۔

ترجمان کے مطابق بلاول بھٹو دوپہر 2 بجے وفد کے ہمراہ میاں نواز شریف سے ملاقات کے لیے کوٹ لکھپت جیل جائیں گے۔

پیپلزپارٹی کے رہنماؤں کے مطابق بلاول بھٹو صرف میاں نواز شریف کی عیادت کیلئے ملاقات کرنے جارہے ہیں ان کی اس ملاقات کا کوئی سیاسی ایجنڈا نہیں ہے۔