نواز شریف کی طبیعت ناساز، آج رہنماؤں و کارکنان سے ملاقات نہیں کریں گے۔

سابق وزیراعظم نواز شریف ناساز طبعیت کے باعث آج جیل میں رہنماؤں و کارکنان سے ملاقات نہیں کریں گے۔

نجی ٹی وی کے مطابق کوٹ لکھپ جیل میں سابق وزیراعظم نواز شریف سے آج ملاقات کا دن ہے وہ آج صرف مریم نواز اور دیگر اہل خانہ اُن سے جیل میں ملاقات کریں گے۔

ذرائع کا کہنا ہے کہ نواز شریف طبعیت کی ناسازی کی وجہ سے ملاقاتیوں کی فہرست میں شامل پارٹی رہنماؤں اور کارکنان سے ملاقات نہیں کریں گے۔