مال مفت دل بے رحم، سابق ارکان پنجاب اسمبلی پر تاحیات مفت علاج کی شاہانہ نوازش

پنجاب اسمبلی نے تنخواہوں میں اضافے کے بل میں اسمبلی کے سابق ارکان پر بھی نوازشات کی بارش کرتے ہوئے سابق ارکانِ اسمبلی کے لیے علاج تاحیات فری کردیا گیا ہے جس کے بعد سابق ارکان کو بھی اب میڈیکل کی سہولتیں مفت میسر ہوں گی۔

نجی ٹی وی کے مطابق پاکستان تحریک انصاف کی پنجاب حکومت نے گزشتہ روز ارکانِ پنجاب اسمبلی، وزراء اور وزیراعلیٰ کی تنخواہوں میں اضافے سمیت مراعات کا بل منظور کیا ہے جس میں سابق ارکان پر بھی نوازشات کی برسات کی گئی۔

ساتھ ہی پنجاب اسمبلی کے منظور کردہ بل میں سابق ارکانِ اسمبلی کے لیے علاج تاحیات فری کردیا گیا ہے، بل میں سابق ارکان اسمبلی کو اِن ڈور اور آؤٹ ڈور علاج کا قانونی استحقاق دیا گیا ہے، اس سے قبل ان ڈور آؤٹ ڈور علاج کا استحقاق موجودہ ارکان اسمبلی کو حاصل تھا۔