زرداری اور شریف خاندان کی سیاست ختم ہوچکی ہے۔ فواد چوہدری

وفاقی وزیر اطلاعات فواد چودھری کا کہنا ہے ہونہار بچوں نے ابو بچاؤ تحریک چلانے کا فیصلہ کرلیا، دونوں خاندانوں کی سیاست ختم ہو چکی ہے، نواز شریف اور زرداری نے درختوں کو بھی نہیں چھوڑا۔

نجی ٹی وی کے مطابق وفاقی وزیر اطلاعات فواد چودھری نے تقریب سے خطاب کرتے ہوئے کہا ماضی کے حکمرانوں نے کرپشن کی فصل کو پانی دیا جو خاردار درخت بن گئے، پورا پاکستان نیچے اور 2 خاندان اوپر جا رہے تھے،پاکستان میں صرف 2 خاندانوں نے ترقی کی۔

انہوں نے کہا سمجھوتہ ایکسپریس کے ملزمان کی رہائی بھارتی قانون کے منہ پر طمانچہ ہے، بھارتی عدالتی نظام دہشت گردوں کیلئے ڈرائی کلین مشین بن گیا، بھارتی حکومت کے منصوبے انتہا پسندی کو ہوا دے رہے ہیں۔

فواد چودھری کا کہنا تھا مہاتیر محمد پاکستان تشریف لا رہے ہیں، ایک عرصہ بعد عالمی رہنما پاکستان آرہے ہیں، پاکستان کا مستقبل روشن ہے۔

انہوں نے کہا پاک سر زمین پر کسی کو سازش کی اجازت نہیں دی جائے گی، شدت پسندی کے خلاف کریک ڈائون کیا گیا ہے، سیاسی، عسکری قیادت کی کتاب بھی ایک اور صفحہ بھی ایک ہے۔