چیف جسٹس کا خودکشی کرنے والے اسد منیر کے خط پر نوٹس، چیئرمین نیب طلب

چیف جسٹس آصف سعید کھوسہ نے نیب کی ہراسگی کی وجہ سے خودکشی کرنے والے بریگیڈئیر(ر) اسد منیر کے خط پر نوٹس لے لیا اور چیئرمین نیب سے جواب طلب کرلیا۔

نجی ٹی وی کے مطابق بریگیڈیئر (ر) اسد منیر کی خودکشی سے پہلے کاخط سپریم کورٹ کوموصول ہو گیا، چیف جسٹس پاکستان نے اسد منیرکے خط پرنوٹس لے لیا اور چیئرمین نیب سے جواب طلب کر لیا۔

واضح رہے کہ بریگیڈیئر(ر)اسدمنیرکیخلاف نیب میں انکوائری چل رہی تھی، انہوں نے خودکشی سے قبل چیف جسٹس آف پاکستان کے نام خط تحریرکیا تھا جس میں نیب کی ہراسگی اور انکوائریوں پر توجہ کی درخواست کی گئی تھی۔