آصف زرداری نے ضمانت قبل از گرفتاری کے لیے ہائیکورٹ سے رجوع کرلیا

سابق صدر آصف علی زرداری نے جعلی اکاؤنٹس کیس میں گرفتاری کے خدشے کے پیش نظر ضمانت قبل از گرفتاری کے لیے ہائیکورٹ سے رجوع کرلیا۔  نیب کی جانب سے گرفتاری کا خدشہ ہے۔

نجی ٹی وی کے مطابق سابق صدر کی جانب سے اسلام آباد ہائیکورٹ میں دائر درخواست میں مؤقف اختیار کیا گیا ہے کہ ‘جعلی اکاؤنٹس کیس میں اب تک طلبی کے 3 سمن موصول ہو چکے ہیں اور معلوم نہیں کہ میرے خلاف کتنی انکوائریز چل رہی ہیں، نیب کسی بھی انکوائری میں گرفتار کرسکتا ہے۔

درخواست میں عدالت سے استدعا کی گئی ہے کہ ٹرائل مکمل ہونے تک ضمانت منظور کی جائے، گرفتاری سے بچنے کے لیے عدالت کے سوا کوئی آپشن نہیں، اور نیب کو گرفتاری سے روکا جائے۔