بلوچستان پاکستان کا روشن مستقبل ہے۔آرمی چیف

آرمی چیف جنرل قمر جاوید باجوہ نے سدرن کمانڈ کوئٹہ اور اسکول آف انفنٹری اینڈ ٹیکٹکس کے دورے کے دوران کہا کہ بلوچستان کے روشن مستقبل کیلیے بھرپور تعاون کریں گے

انہوں نے کہا کہ  پاک فوج نے داخلی خطرات کم کرنے میں اہم کردار ادا کیا،عوام کی توقعات پر ہمیشہ پورا اتریں گے۔

آئی ایس پی آر کے مطابق آرمی چیف کو سدرن کمانڈ کوئٹہ کے دورے کے دوران آپریشن ردالفساد اور صوبے کی سکیورٹی کی صورتحال پر بریفنگ دی گئی۔

آرمی چیف کو نیشنل ایکشن پلان پر عملدر آمد سے متعلق بھی آگاہ کیا گیا۔ آرمی چیف کو خوشحال بلوچستان پروگرام کے تحت سماجی و معاشی منصوبوں پر بھی بریف کیا گیا۔

آرمی چیف جنرل قمر جاوید باجوہ نے کہا کہ بلوچستان پاکستان کا مستقبل ہے، ہمارا فرض ہے کہ ہم بلوچستان کے روشن مستقبل کیلیے بھرپور تعاون کریں۔