پی آئی اے پرواز میں دل کا دورہ پڑنے سے مسافر کا انتقال

لاہور سے لندن پہنچنے والی پی آئی اے کی پرواز میں دل کا دورہ پڑنے سے ایک مسافر کا انتقال ہوگیا۔

ترجمان پی آئی اے کے مطابق جاں بحق 73 سالہ مسافر پاکستانی نژاد برطانوی ہے،مسافر کو دوران سفر دل کا دورہ پڑا تھا۔

ترجمان پی آئی اے کا کہنا ہے کہ  پی آئی اے کی پرواز پی کے 757 لاہور سے لندن پہنچی تھی جو پاکستانی وقت کے مطابق رات 8:30 بجے لندن میں لینڈ ہوئی۔

ترجمان پی آئی اے کا کہنا ہے کہ پہلے میت طیارے سے باہر لے جائیں گے پھر مسافر اتریں گے،یتھرو ایئرپورٹ پر میت کو ایمبولنس میں منتقل کیا جارہا ہے۔