مسافروین اورٹرک میں تصادم۔11 افراد جاں بحق

مسافروین اورٹرک میں تصادم کے نتیجے میں 11 افراد جاں بحق جب کہ 7 زخمی ہوگئے۔

نجی ٹی وی کے مطابق مستونگ کے علاقے غنجہ ڈوری کے قریب ٹرک اورمسافر وین میں تصادم ہوگیا، جس کے نتیجے میں 11 افراد جاں بحق جب کہ 7 زخمی ہوگئے۔ جاں بحق افراد میں خواتین اوربچے بھی شامل ہیں۔

لاشوں اورزخمیوں کو قریبی اسپتال منتقل کردیا گیا ہے جہاں زخمیوں کو طبی امداد فراہم کی جارہی ہے جب کہ لاشوں کو شناخت کے بعد ورثا کے حوالے کر دیا گیا۔

لیویز کے مطابق حادثے میں مسافر وین مکمل تباہ ہوگئی,متاثرین میں سے بیشتر کا تعلق ایک ہی خاندان سے تھا جو کراچی سے قلعہ عبداللہ آرہے تھے۔