پاکستان نے مزید 100بھارتی ماہی گیر رہا کر دیے

پاکستان نے جذبہ خیرسگالی کے تحت مزید 100 بھارتی ماہی گیر رہا کر دیے ۔

میڈیا رپورٹس کے مطابق پاکستان نے جذبہ خیرسگالی کے تحت مزید 100 بھارتی ماہی گیررہا کردیے ،بھارتی ماہی گیروں کو ملیر جیل سے رہاکیا گیا۔بھارتی ماہی گیروں کو پاکستان بزنس ایکسپریس سے لاہور روانہ کیا جائے گا۔

بھارتی ماہی گیروں کو کینٹ اسٹیشن پہنچادیا گیا،ماہی گیروں کو واہگہ بارڈر پر بھارتی حکام کے حوالے کیا جائے گا۔واضح رہے کہ پاکستان نے گزشتہ اتوار کو بھی 100 بھارتی ماہی گیروں کو رہا کیا تھا۔