نیب نے حمزہ شہباز اور ان کی مبینہ بیوی عائشہ احد کو طلب کر لیا

نیب نے حمزہ شہباز اور ان کی مبینہ بیوی عائشہ احد کو30 اپریل کو طلب کیا ہے۔

نجی ٹی وی کے مطابق نیب لاہور نے حمزہ شہباز کوآمدن سے زائد اثاثہ جات اور منی لانڈرنگ کیس میں 30 اپریل کو طلبی کا نوٹس جاری کر دیا ہے۔

اس سے قبل بھی حمزہ شہاز کو کئی بار طلب کیا جا چکا ہے اور منی لانڈرنگ اور زائد اثاثہ جات کیس میں سوالنامہ بھی دیا گیا تھا تاہم اہم بات یہ ہے کہ نیب نے حمزہ شہباز کی مبینہ بیوی عائشہ احد کو بھی طلب کر لیا ہے۔

ذرائع کے مطابق عائشہ احد کو 30 اپریل کو دوپہر 12 بجے پیش ہونے کی ہدایت کی گئی ہے اورانہیں  بھی آمدن سے زائد اثاثہ جات کیس میں طلب کیا گیا ہے۔