وفاقی وزیر سائنس و ٹیکنالوجی نے اہم تنازع ختم کرنے کی ٹھان لی

ملک میں رمضان المبار ک کا چاند دیکھنے کیلیے رویت ہلال کمیٹی کا اجلاس آج ہو گا جو کہ پہلے روزے کا باقاعدہ اور باضاطہ اعلان کرے گی تاہم اس دوران کئی قسم کے تنازعات بھی جنم لیتے تھے جس کے سد باب کیلیے حکومت نے اہم ترین قدم اٹھالیا ہے ۔

تفصیلات کے مطابق وفاقی وزیر سائنس و ٹیکنالوجی فواد چوہدری نے ٹویٹر پر پیغام جاری کرتے ہوئے کہا کہ ” پانچ رکنی کمیٹی قائم کر دی گئی ہے جس میں سپارکو،محکمہ موسمیات اورسائنس و ٹیکنالوجی کے ماہرین شامل ہوں گے ۔

پانچ رکنی کمیٹی قائم کی ہے جس میں سپارکو،محکمہ موسمیات اور سائنس اور ٹیکنالوجی کے ماھرین شامل ہوں گے یہ کمیٹی اگلے دس سال کے چاند، عیدین ، محرم اور رمضان سمیت دیگر اہم کیلنڈر کی تاریخ کا کیلنڈر جاری کرےگی۔ اس سے ہر سال پیدا ہونیوالا تنازعہ ختم ہو گا۔

— Ch Fawad Hussain (@fawadchaudhry) May 5, 2019

یہ کمیٹی اگلے دس سال کیلیے چاند،عیدین ، محرم اور رمضان سمیت دیگراہم کیلنڈرز جاری کرے گی،اس سے ہر سال پیدا ہونے والا تنازع ختم ہو گا ۔

وفاقی وزیر سائنس و ٹیکنالوجی فواد چوہدری نے کہا ہے کہ یہ فیصلہ کہ ملک کیسے چلنا ہے مولانا پر نہیں چھوڑا جا سکتا،اس رو سے پاکستان کا قیام ہی عمل میں نہ آتا۔

یہ فیصلہ کہ ملک کیسے چلنا ہے مولانا پر نہیں چھوڑا جا سکتا، اس رو سے پاکستان کا قیام ہی عمل میں نہ آتا کیونکہ تمام بڑے علماء تو پاکستان کے قیام کے مخالف تھے اور جناح صاحب کو کافر آعظم کہتے تھے، آگے کا سفر مولویوں نے نہیں نوجوانوں نے کرنا ہے اور ٹیکنالوجی ہی قوم کو آگے لیجا سکتی ہے https://t.co/HEXcJVWfTW

— Ch Fawad Hussain (@fawadchaudhry) May 5, 2019

وفاقی وزیر سائنس و ٹیکنالوجی فواد چوہدری نے سماجی رابطے کی ویب سائٹ ٹوئٹر پر اپنے پیغام میں کہا ہے کہ یہ فیصلہ کہ ملک کیسے چلنا ہے مولانا پر نہیں چھوڑا جا سکتا،اس رو سے پاکستان کا قیام ہی عمل میں نہ آتا۔

انہوں نے کہا کہ تمام بڑے علما تو پاکستان کے قیام کے مخالف تھے اور علماجناح صاحب کو کافراعظم کہتے تھے ۔

وفاقی وزیر سائنس و ٹیکنالوجی نے ٹوئٹ میں مزید کہا کہ آگے کا سفر مولویوں نے نہیں نوجوانوں نے کرنا ہے اورٹیکنالوجی ہی قوم کوآگے لے جا سکتی ہے ۔