لائن آف کنٹرول پر بھارتی فوج کی گولہ باری سے خاتون شہید

لائن آف کنٹرول پر بھارتی فوج کی بلااشتعال گولہ باری کے نتیجے میں ایک خاتون شہید جبکہ ایک زخمی ہوگئی۔

نجی ٹی وی کے مطابق بھارتی فوج نے لائن آف کنٹرول پر تتہ پانی سیکٹر میں جنگ بندی معاہدے کی خلاف ورزی کرتے ہوئے شہری آبادی پر شدید گولہ باری کی ہے۔ گولہ باری کی زد میں ایک خاتون شہید جب کہ ایک زخمی ہوگئی۔

شہید خاتون کی شناخت 45 سالہ نسرین اختر جب کہ زخمی خاتون کی شناخت سونیا کے نام سے ہوئی ہے، زخمی خاتون کو بائیں ٹانگ پر زخم آئے ہیں اور اسے ڈی ایچ کیو کوٹلی میں طبی امداد فراہم کی جارہی ہے۔