وزیر اعظم نے غیر ذمے دارانہ رویے پرخسرو بختیار کی سر زنش کر دی

وزیر اعظم عمران خان نے مخدوم خسرو بختیار کی غیر ذمے دارانہ رویہ پر سخت سرزنش کی ہے۔

اسلام آباد میں وزیراعظم عمران خان کی زیر صدارت تحریک انصاف کی پارلیمانی پارٹی کا اجلاس ہوا جس کے دوران وفاقی وزیر برائے منصوبہ بندی، ترقی واصلاحات مخدوم خسرو بختیار بجٹ سے متعلق اہم فائل اپنے دفتر بھول آئے اور ان کی بریفنگ کی باری آئی تو وہ فائل ڈھونڈتے رہے۔

وزیراعظم عمران خان نے غیر ذمے دارانہ رویہ پر خسرو بختیار کی سخت سرزنش کی اور ڈانٹ پلائی تو خسرو بختیار نے غصہ اپنے ملازم پر نکال دیا۔

انہوں نے فوری طور پر اپنے ملازم سے فائل منگوائی اور جب ملازم کو فائل لانے میں دیر ہوئی تو خسرو بختیار پریشانی کے عالم میں ادھر اُدھر گھومنے لگے اور ملازم کے آنے پر اس پر برہم ہوگئے اور ڈانٹ پلادی۔

خسرو بختیار بجٹ سے متعلق اہم فائل اپنے دفتر بھول گئے ،وزیر اعظم عمران نے جھاڑ پلا دی. وزیر اعظم کا غصہ خسرو بختیار نے اپنے بزرگ اسٹاف پر اتار دیا pic.twitter.com/1mJgiiBrdK

— M Awais Kiyani (@awaiskiyani24) June 11, 2019

وزیر موصوف نے بزرگ ملازم کو دروازے کے باہر کھڑا رکھنے کا حکم دیتے ہوئے کہا کہ میرا موبائل پکڑ کر باہرکھڑے رہو۔