موٹاپےکا شکار صادق آباد کا رہائشی نور حسن انتقال کرگیا

موٹاپےکا شکار صادق آباد کا رہائشی نور حسن انتقال کرگیا۔

اسپتال ذرائع کے مطابق نور حسن 3 ہفتے سے لاہور کے نجی اسپتال میں زیرعلاج تھا جہاں اس کا 10 روز قبل آپریشن کیا گیا تھا، ڈاکٹروں نے نور حسن کا آپریشن کرکے اس کے معدے کا سائز چھوٹا کردیا تھا اورآپریشن کو کامیاب قرار دیا تھا۔

آپریشن کے بعد نورحسن کو آئی سی یو میں داخل کیا گیا تھا جہاں وہ پیر کے روز اچانک انتقال کرگیا۔

واضح رہے کہ صادق آباد سے تعلق رکھنے والے موٹاپے کے شکار ٹیکسی ڈرائیورنورحسن کو گھر کی دیوار توڑ کر باہر لایا گیا تھا اور ائیرایمبولینس کے ذریعے لاہور بھجوایا گیا تھا۔

نورحسن کا وزن 330 کلو تھا اور وہ چلنے پھرنے سے بھی قاصر تھا۔

آرمی چیف کا نورالحسن کے انتقال پراظہار افسوس

آرمی چیف جنرل قمر جاوید باجوہ نے نورالحسن کے انتقال پر گہرے رنج وغم کا اظہار کرتے ہوئے مرحوم کی مغفرت اور بلندی درجات کی دعا کی ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ کی جانب سے جاری خصوصی پیغام میں کہا گیا ہے کہ ہم صرف کوشش کر سکتے ہیں، باقی اللہ تعالیٰ کی مرضی، اللہ پاک مرحوم کے درجات بلند کرے، آمین۔

COAS expresses grief on sad demise of Mr Noor Hassan, earlier air lifted to Lahore for treatment at private hospital.
“Will of Allah is to be done while one can only make an effort. May Allah bless the departed soul. Aamen”, COAS.

— DG ISPR (@OfficialDGISPR) July 8, 2019

آرمی چیف کی ہدایت پر نورالحسن کو آرمی ہیلی کاپٹر کے ذریعے لاہور کے ہسپتال منتقل کیا گیا تھا، جہاں ان کا علاج کیا جا رہا تھا۔