ظفرالحق بزنجو ملاقات میں چیئرمین سینیٹ کو ہٹانے پر مشاورت

اپوزیشن لیڈر راجہ ظفر الحق سے میر حاصل بزنجو نے ملاقات کی جس میں چیئرمین سینیٹ کے خلاف تحریک عدم اعتماد کی حکمت عملی پر تبادلہ خیال کیا گیا، تحریک پر حکمت عملی کے لیے اپوزیشن سینیٹرز کا اجلاس کل ساڑھے گیارہ بجے ظلب کرنے کا فیصلہ بھی کیا گیا ہے۔

میرحاصل بزنجو کا راجہ ظفرالحق سے ملاقات کے بعد میڈیا سے گفتگو میں کہنا تھا کہ اپوزیشن لیڈرنے تمام اپوزیشن سینیٹرز کا اجلاس کل پارلیمنٹ ہائوس میں طلب کرلیا ہے جس میں قرارداد پراپوزیشن سینیٹرزکے دستخط کرانے کے بعد قرارداد جمع کرائی جائے گی۔

ان کا کہنا تھا کہ چیئرمین سینیٹ کے لیے اپوزیشن کے امیدوار کا فیصلہ 11 جولائی کو رہبر کمیٹی کے اجلاس میں کیا جائے گا۔ ابھی تک نہ میں امیدوار ہوں اور نہ کسی نے میرا نام تجویز کیا ہے۔واضع رہے کہ چیئرمین سینیٹ کی تبدیلی کا فیصلہ اے پی سی میں کیا گیا تھا۔