مقبوضہ کشمیر پر کور کمانڈرز کانفرنس آج طلب

آرمی چیف جنرل قمر جاوید باجوہ نے کور کمانڈرز کانفرنس آج طلب کرلی۔

ذرائع کےمطابق کور کمانڈرز کانفرس میں بھارت کے غیر آئینی اقدامات اور لائن آف کنٹرول کی صورتحال پرغورکیا جائے گا۔

ذرائع کا کہنا ہےکہ کانفرنس میں بھارت کے کسی ممکنہ مس ایڈونچر کا بھرپور جواب دینے پرغورکیا جائے گا۔

واضح رہے بھارت نے لائن آف کنٹرول پر کلسٹر بموں کا استعمال کیا جس کے بعد گزشتہ روز وزیراعظم عمران خان کی زیرصدارت قومی سلامتی کمیٹی کا اجلاس ہوا جس میں ایل او سی اور بھارتی جارحیت کی شدید مذمت بھی کی گئی۔