جلال آباد میں پاکستانی قونصل خانے کے باہر بم دھماکا۔عملہ محفوظ رہا
بم دھماکے میں4 افراد زخمی ہوگئے،بم ایک برتن میں چھپایا گیا تھا۔پولیس
دھماکہ اس جگہ ہوا جہاں افغان شہری پاکستانی ویز ے کیلیے قطار بناتے ہیں۔فائل فوٹو
افغانستان کے شہر جلال آباد میں پاکستانی قونصل خانے کے باہر بم دھماکے میں4افراد زخمی ہوگئے ، پاکستانی عملہ محفوظ رہا۔
نجی ٹی وی کے مطابق جلال آباد میں پاکستانی قونصل خانے کے باہر ہونے والے بم دھماکے میں پولیس اہلکار سمیت4 افراد زخمی ہوگئے ۔
افغان پولیس کے مطابق بم ایک برتن میں چھپایا گیا تھا ، دھماکہ اس جگہ ہوا جہاں افغان شہری پاکستانی ویز ے کیلیے قطار بناتے ہیں۔دھماکے میں پاکستانی قونصل خانے کا تمام عملہ محفوظ رہا ۔
سفارتی ذرائع کے مطابق جلال آباد میں پاکستانی قونصل خانہ پہلے سے تھریٹ لسٹ میں ہے اورافغان حکام سے قونصل خانے کی سیکیورٹی بڑھانے کا کہا گیاہے۔