پاکستان کابھارت کیلیے اپنی فضائی حدود مکمل طورپر بند کرنے پر غور

اپنی ٹوئٹ میں فواد چوہدری نے کہا کہ وزیراعظم عمران خان بھارت کے لیے پاکستانی فضائی حدود مکمل طور پر بند کرنے پر غور کررہے ہیں۔اس کے علاوہ بھارت کی پاکستان کے ذریعے افغانستان سے تجارت کا زمینی راستہ مکمل طور پر بند کرنے پر بھی غور کیا گیا۔

فواد چوہدری نے کہا ہے کہ یہ تجاویز کابینہ کے اجلاس میں پیش کی گئیں، جن پر عمل درآمد کے لیے قانونی امور کا جائزہ لیا جا رہا ہے۔

اسلام آبادمیں میڈیا سے گفتگو کرتے ہوئے فواد چوہدری نے کہاہے کہ بھارت نے شروعا ت کی ہیں ، ہم اختتام کریں گے ، کشمیر میں جو ہورہا ہے کہ وہ ہمارے لئے قابل قبول نہیں ۔انہوں نے کہا کہ بھارت کیلیے پاکستان کی فضائی حدود مکمل طور پر بند کرنے کیلیے غور کررہے ہیں۔