بھارتی فوج کی فائرنگ سے معمر خاتون اور نوجوان شہید

بھارتی فوج کی ایل او سی پر بلااشتعال فائرنگ سے معمر خاتون اورایک نوجوان شہید ہوگئے۔

پاک فوج کے شعبہ تعلقات عامہ کے مطابق بھارتی فوج نے ایل او سی نکیال اوررکھ چکری سیکٹرزپر بلااشتعال فائرنگ کی جس میں انہوں ںے شہری آبادی کو نشانہ بنایا۔

آئی ایس پی آر کے مطابق بھارتی فوج کی فائرنگ سے 60 سالہ خاتون سلامت بی بی اور13 سالہ ذیشان شہید ہوگئے جب کہ دو خواتین سمیت تین شہری زخمی ہوئے ہیں۔

آئی ایس پی آرکے مطابق پاک فوج نے بھارتی فائرنگ کا موثرجواب دیا جس کے بعد بھارتی گنیں خاموش ہو گئیں۔