اپوزیشن کیساتھ معاملات طے پاگئے۔شیخ رشید کا دعویٰ

وزیرریلوے شیخ رشید نے دعویٰ کیا ہے کہ اپوزیشن کیساتھ معاملات طے پاگئے،موجودہ حکومت 5 سال پورے کرےگی۔

کراچی آمد کے موقع پر میڈیا سے گفتگو کرتے ہوئے شیخ رشید نے کہا کہ مولانا فضل الرحمن کوغفورحیدری کے ذریعے پیغام دیا ہے کہ پنڈی اسلام آباد میں ڈینگی موجود ہے، مولانا نہ آئیں تو اچھا ہے۔

ان کا کہنا تھا کہ گرفتاریوں کا موسم چل رہا ہے مجھے نہیں معلوم کہ کس کی گرفتاری ہونی ہے، بلاول نے کہا کہ وہ مراد علی شاہ کے ساتھ کھڑے ہوں گے، میری کوشش ہوگی ایسا نہ ہونے دیا جائے، بلاول کو ٹائم لگے گا وہ بچہ ہے۔

انہوں نے کہا کہ جو طعنے دیتے ہیں انہیں کہتا ہوں کہ چین سے بلٹ ٹرین پر بات کروں گا، عمران خان کے دور میں ہم بلٹ ٹرین بھی چلائیں گے۔

شیخ رشید کا مزید کہنا تھا کہ عمران خان کشمیر کیلیے لڑا ہے، مودی نے جو قدم لیا ہے اس سے وہ پھنس گیا ہے، عمران خان میرا دوست ہے، میری آج بھی اس سے ملاقات ہوئی ہے۔