مریم نواز کوکھٹملوں اور مچھروں سے متاثرہ سیل میں رکھا گیا ہے

سابق وزیراعظم نواز شریف کے ذاتی معالج ڈاکٹرعدنان کا کہنا ہے کہ حکومتی دعوؤں کے باوجود مریم نوازکو جیل میں بیٹر کلاس فراہم نہیں کی گئی۔

ڈاکٹرعدنان خان نے ایک بیان میں کہا کہ سابق وزیراعظم نواز شریف اور مریم نواز سے کوٹ لکھپت جیل میں ملاقات کی ہے، مریم نواز کو چھوٹے سے سیل میں قید تنہائی میں رکھا گیا ہے۔

انہوں نے بتایا کہ مریم نواز کے کھٹملوں اور مچھروں سے متاثرہ سیل میں بنیادی سہولیات تک میسر نہیں، ان پر کھانا اور دیگراشیائے ضروریہ بھی گھر سے منگوانے پر پابندی ہے۔ڈاکٹر عدنان کا کہنا تھا کہ جیل قوانین کے مطابق بیٹرکلاس مریم نواز کا حق ہے۔

واضح رہے کہ مسلم لیگ (ن) کی نائب صدر مریم نواز چوہدری شوگر ملز کیس میں نیب کی حراست میں ہیں۔