مکران کوسٹل ہائی وے پر کوچ حادثےکا شکار۔9 افراد جاں بحق

مکران کوسٹل ہائی وے پر بزی ٹاپ کے مقام پر مسافر کوچ کھائی میں گرنے سے 9 افراد جاں بحق اور 11زخمی ہوگئے۔

ڈپٹی کمشنر لسبیلہ شبیر مینگل نے حادثے کی تصدیق کرتے ہوئے بتایا کہ مسافر کوچ پسنی سے کراچی جارہی تھی کہ اورماڑہ کے قریب بزی چڑھائی پر حاثےکا شکار ہوئی۔

ذرائع کے مطابق کوچ کے کھائی میں گرنے سے 9 افراد جاں بحق اور11 زخمی ہوگئے،زخمیوں کو اورماڑہ اسپتال منتقل کیا گیا، جاں بحق اور زخمیوں میں خواتین اور بچے بھی شامل ہیں، بیشتر زخمیوں کی حالت تشویشناک بتائی جاتی ہے۔