مریم اورنگزیب کے بیان سے اپوزیشن تقسیم

دوسری جانب  جمعیت علما اسلام کے سربراہ مولانا فضل الرحمن نے جلسہ ملتوی ہونے کی تردید کرتے ہوئے کہا کہ آزادی مارچ بھی ہوگا اور جلسہ بھی ہوگا، مارچ اسلام آباد پہنچ کر بھی مارچ ہی رہے گا، مارچ میں جلسہ بھی ہوتا ہے۔

جب کہ مولانا عبدالغفور حیدری نے بھی مریم اورنگزیب کے بیان کی تردید کرتے ہوئے ان کے بیان سے لاعلمی کا اظہارکرتے ہوئے کہاکہ جو جلسہ ملتوی کرنے کی بات کر رہاہے وہ سازش کر رہا ہے۔ میرا مریم اورنگزیب سے رابطہ ہوا نہ میں نے رابطہ کیا۔

ادھرعوامی نیشنل پارٹی کے ترجمان زاہد خان نے بھی مریم اورنگزیب کے بیان پر شدید رد عمل دیتے ہوئے کہا ہےکہ ایک بڑے قافلے کی قیادت کرتے ہوئے اسفند یار ولی اسلام آباد پہنچ رہے ہیں،جلسہ منسوخی کی بات (ن) لیگ کا پروپیگنڈا ہے، (ن) لیگ بے شک نہ آئے، جلسہ آج ہی ہوگا اور اسفند یار ولی آج ہی جلسے سے خطاب کریں گے۔