رانا ثناء اللہ کے جوڈیشل ریمانڈ میں 16نومبر تک توسیع

انسداد منشیات کی خصوصی عدالت نے منشیات اسمگلنگ کیس میں رانا ثناء اللہ کے جوڈیشل ریمانڈ میں 16 نومبر تک توسیع کردی۔

منشیات اسمگلنگ کیس میں جوڈیشل ریمانڈ ختم ہونے پر رانا ثناء اللہ کو ڈیوٹی جج خالد بشیر کے روبرو پیش کیا گیا، رانا ثناء اللہ کے وکیل نے استدعا کی کہ ان کی گاڑی کی سپرداری کی درخواست پرکارروائی شروع کی جائے۔

عدالت نے وکیل کو باور کروایا کہ وہ صرف اہم نوعیت کے معاملات کی سماعت کر سکتے ہیں، انسداد منشیات کی عدالت کے جج کا تقرر ہو گیا ہے، وہی اس پر باقاعدہ کارروائی کریں گے۔