پشاور۔گاڑی پر فائرنگ سے ڈی ایس پی سی ٹی ڈی جاں بحق،4 افراد زخمی

صوبائی دارالحکومت پشاور میں دلہ زاک روڈ کے قریب موٹر سائیکل سواروں کی فائرنگ سے قائم مقام  ڈی ایس پی سی رورل ٹی ڈی غنی خان جاں بحق جبکہ 4 افراد زخمی ہو گئے،زخمیوں کو طبی امداد کیلیے لیڈی ریڈنگ ہسپتال منتقل کردیا گیا۔

میڈیا رپورٹس کے مطابق قائم مقام ڈی ایس پی  رورل سی ٹی ڈی غنی خان اپنی گاڑی میں جا رہے تھے کہ دلہ زاک روڈ کے قریب نامعلوم موٹر سائیکل سواروں نے فائرنگ کردی جس سےقائم مقام ڈی ایس پی سی ٹی ڈی غنی خان جاں بحق ہو گئے جبکہ محافظ اور ڈرائیور سمیت4 افراد زخمی ہو گئے۔

فائرنگ واقعہ کی اطلاع ملتے ہی پولیس جائے وقوعہ پر پہنچ گئی اورعلاقے کو گھیرے میں لے کر سرچ آپریشن شروع کردیاگیا،شہید اور زخمیوں کو لیڈی ریڈنگ ہسپتال منتقل کردیاگیا۔

وزیراعلیٰ خیبرپختونخوا محمود خان نے پولیس چوکی پر فائرنگ کے واقعے کا نوٹس لیتے ہوئے آئی جی پولیس کو رپورٹ پیش کرنے کی ہدایت کی ہے۔

وزیراعلیٰ محمود خان نے زخمی اہلکاروں کو بہترین طبی سہولیات فراہم کرنے کی ہدایت بھی کی ہے۔