لیگی رہنما احسن اقبال کی بھی شامت آ گئی

مسلم لیگ ن کے رہنمااور سابق وفاقی وزیر داخلہ احسن اقبال کےخلاف نیب نے تحقیقات تیز کردیں، نیب راولپنڈی نے نارووال میں چھاپہ مار کر اسپورٹس سٹی کاریکارڈقبضے میں لے لیا۔

میڈیا رپورٹس کے مطابق نیب تفتیشی ٹیم نے سپورٹس سٹی نارووال کابھی دورہ کیااورسپورٹس سٹی نارووال میں تعمیرات کے معیارکاجائزہ لیا، نیب ذرائع کا کہنا ہے کہ سپورٹس سٹی نارووال میں تعمیرات نامکمل پائی گئی ہیں،اسپورٹس سٹی نارووال کے اہم گواہوں کے بیانات بھی قلمبندکیے گئے ۔

مسلم لیگ ن کے رہنما احسن اقبال نے نارووال اسپورٹس کمپلیکس تحقیقات شروع کیے جانے پرنیب کوچیلنج دیتے ہوئے کہاہے کہ نیب ثابت کرے پہلی بارایم این اے بناتو اس وقت اثاثے زیادہ تھے یا آج؟میڈیا میں کردار کشی کے ہتھکنڈوں سے مرعوب ہوں گے نہ حفاظتی ضمانت کرائیں گے۔

مسلم لیگ ن کے رہنما احسن اقبال کاکہنا ہے کہ عمران خان کی فرعونیت کامقابلہ کریں گے،جیلیں ہمیں اپنے مقصد اور جدوجہد سے نہیں روک سکتیں۔