وزیراعظم عمران خان ایک روزہ دورے پرکراچی پہنچ گئے

وزیراعظم عمران خان ایک روز ہ دورے پرکراچی پہنچ گئے۔صدرعارف علوی، وزیرخارجہ شاہ محمود قریشی اوران کے معاون خصوصی زلفی بخاری بھی ان کے ہمراہ ہیں۔

وزیراعظم عمران خان ایک روزہ دورے پر کراچی پہنچے ہیں جہاں وہ تاجر برادری،اراکین سندھ اسمبلی سے ملاقات کریں گے اورپاکستان اسٹاک ایکسچینج کی تقریب تقسیم انعامات میں شرکت بھی کریں گے۔

میڈیا رپورٹس کے مطابق وزیراعظم امن وامان کے منصوبوں کا جائزہ لیں گے اورمختلف وفود سے اہم ملاقاتیں بھی کریں گے۔وزیراعظم کے ہمراہ صدر پاکستان عارف علوی، وزیرخارجہ شاہ محمود قریشی اورمعاون خصوصی زلفی بخاری بھی ہمراہ ہیں۔

وزیراعظم اور دیگراعلیٰ حکام خصوصی طیارے پراسلام آباد سے کراچی پہنچے ہیں۔عمران خان وفاقی وزیراسد عمرکے بیٹے کی دعوت ولیمہ میں بھی شرکت کریں گے۔

اس سے قبل انہوں نے وزیراعظم ہائوس نے متحدہ عرب امارات کے وزیرثقافت شیخ نہیان بن مبارک النہیان سے ملاقات کی جس میں مشترکہ اہمیت کے معاملات،سرمایہ کاری،اقتصادی وثقافتی اورترقیاتی تعاون پربھی گفتگوکی گئی۔ملاقات میں دوطرفہ تعاون اورباہمی دلچسپی کے امورپربھی تبادلہ خیال کیاگیا۔