ابوظہبی کے ولی عہد شیخ محمد بن زاید النہیان پاکستان پہنچ گئے

ابوظہبی کے ولی عہد شیخ محمد بن زاید النہیان پاکستان پہنچ گئے،وزیراعظم عمران خان نے نور خان ایئر بیس پرابوظہبی کے ولی عہد شیخ محمد بن زاید النہیان کا استقبال کیا۔

متحدہ عرب امارات کے ولی عہد شیخ محمد بن زایدالنہیان آج پاکستان پہنچے،وزیراعظم عمران خان نے ابوظہبی کے ولی عہد شیخ محمد بن زاید النہیان کا نورخان ایئر بیس پرریڈ کارپٹ پراستقبال کیا۔

نورخان ایئر بیس پر روایتی لباس میں ملبوس بچوں نے معزز مہمان کو پھول پیش کیے،ولی عہد ابوظہبی کے ساتھ امارات کا اعلیٰ سطحی وفد بھی ہے۔

وزیراعظم عمران نے ولی عہد کی گاڑی کو خود ڈرائیو کیا، دورے کے دوران ولی عہد ابوظہبی وزیراعظم عمران خان سے ون آن ون ملاقات کریں گے۔

ترجمان دفترخارجہ سے جاری ہونے والے دورے کی تفصیلات کے مطابق وزیراعظم عمران خان اور شیخ محمد بن زایدالنہیان کی ملاقات میں دوطرفہ تعلقات، خطے اورعالمی امور پر بات چیت ہوگی،وزیراعظم عمران خان ولی عہد کے اعزاز میں ظہرانہ بھی دیں گے۔

ترجمان کے مطابق دونوں ممالک کے آپس کے دورے برادرانہ تعلقات کی عکاسی کرتے ہیں، ولی عہد شیخ محمد کے ہمراہ اعلیٰ سطح کا وفد بھی ہے۔