حامد کرزئی کی نواز شریف سے ملاقات،خیریت دریافت کی

افغانستان کے سابق صدر حامد کرزئی کی سابق وزیراعظم نواز شریف سے ملاقات کیلیے پہنچ گئے اور ان کی عیادت کی۔

میڈیا سے گفتگو کرتے ہوئے حامد کرزئی نے کہاکہ اپنے بھائی نواز شریف اورشہباز شریف سے ملاقات کرکے خوشی ہوئی،پاکستان کے دوروں کے دوران نوازشریف نے میری بہترین میزبانی کی۔

تفصیلات کے مطابق افغانستان کے سابق صدر حامد کرزئی پاکستان کے سابق وزیراعظم نواز شریف سے ملاقات کیلئے پہنچے اور ان کی عیادت کی۔ نواز شریف کے صاحبزادوں حسن اور حسین نواز نے حامد کرزئی کا استقبال کیا جس کی ویڈیو بھی سوشل میڈیا پر وائرل ہو گئی۔

اس موقع پر شہبازشریف نے میڈیا سے گفتگو کرتے ہوئے کہاکہ ہمیشہ کوشش رہنی چاہیے کہ پاکستان اور افغانستان قریب تر ہوں۔

واضح رہے کہ سابق وزیراعظم نواز شریف عدالت سے طبی بنیادوں پر ضمانت ملنے کے بعد لندن میں رہائش پذیر ہیں جہاں ان کا علاج جاری ہے جبکہ ان کے چھوٹے بھائی اور سابق وزیراعلیٰ پنجاب شہباز شریف بھی ان کیساتھ موجود ہیں۔