وزیراعظم عمران خان ایک روزہ دورےپرکراچی پہنچ گئے،گورنراوروزیراعلیٰ سندھ نے ایئر پورٹ پروزیراعظم کااستقبال کیا۔

میڈیا رپورٹس کے مطابق حیرت انگیز طورپروزیراعظم کے شیڈول میں ناراض اتحادی جماعت ایم کیو ایم سے کوئی ملاقات کا ذکر نہیں، ایم کیو ایم کی جانب سے ملاقات کے لیے کوئی دعوت نامہ موصول نہ ہونے کی تصدیق ہوگئی۔

اسلام آباد میں ہونے والی ملاقات میں ایم کیو ایم نے اس خواہش کا اظہار کیا تھا کہ وزیر اعظم دورہ کراچی کے دوران بہادر آباد تشریف لائیں۔

گورنرسندھ کو امید ہے کہ وزیراعظم عمران خان کا دورہ کراچی ایم کیو ایم سے معاملات ٹھیک ہونے کا باعث بنے گا۔ ترجمان جی ڈی اے اور گورنر سندھ عمران اسماعیل نے وزیر اعظم کے کنگری ہاؤس جانے کی تصدیق کر دی۔

مختصر دورے کی خاص بات وزیراعظم کی وزیر اعلی سندھ سے اہم ملاقات بھی بتاتی جاتی ہے۔ کراچی دورے کے موقع پر وزیراعظم کامیاب جوان پروگرام اور شوکت خانم میموریل ہسپتال کی فنڈ ریزنگ تقریب میں بھی شرکت کریں گے۔