سعودی فرمانرواشاہ سلمان سے جنرل ندیم رضا کی ملاقات

پاک فوج کے شعبہ تعلقات عامہ (آئی ایس پی آر) کے مطابق چیئرمین جوائنٹ چیفس آف اسٹاف کمیٹی جنرل ندیم رضا نے سعودی عرب کا دورہ کیا ہے اور دورے کے دوران خادم حرمین شریفین شاہ سلمان بن عبد العزیز سے ملاقات ہوئی ہے۔

آئی ایس پی آر کے مطابق چیئر مین جوائنٹ چیفس آف اسٹاف کمیٹی جنرل ندیم رضا اور سعودی عرب کے فرمانروا شاہ سلمان بن عبد العزیزکے درمیان ہونے والی ملاقات کے دوران باہمی دلچسپی کے امورپر گفتگو کی۔

اس موقع پر وزیر داخلہ شہزادہ عبد العزیز بن سعود بن نائف، نائب وزیردفاع شہزادہ خالد بن سلمان، شاہ سلمان کے نائب سیکریٹری تمیم بن عبد العزیز، اسلام آباد میں سعودی ملٹری اتاشی کرنل عوض بن عبد اللہ الزہرانی اورریاض میں پاکستان کے سفیر راجہ علی اعجاز بھی موجود تھے۔