باجوڑ میں مکان کی چھت گرگئی۔7بچے جاں بحق

خیبر پختونخوا کے مالاکنڈ ڈویژن کے ضلع باجوڑ میں مکان کی چھت گرگئی جس کے نتیجے میں 7بچے جاں بحق ہوگئے۔

ضلع باجوڑ کی تحصیل ماموند کے علاقے بدان قلاو میں مکان کی چھت گرنے کا واقعہ پیش آیا ہے جس کے نتیجے میں 7بچے ملبے تلے دب کر جاں بحق ہوگئے۔مقامی پولیس کے مطابق واقعے میں 5 بچے زخمی بھی ہوئے ہیں۔

پولیس کا کہنا ہے کہ بچوں کی لاشوں اورزخمیوں کو ڈسٹرکٹ ہیڈ کوارٹراسپتال خار منتقل کردیا گیا ہے،اہل خانہ کا کہنا ہے کہ حادثے کے وقت گھر کے تمام بچے ایک ہی کمرے میں موجود تھے۔