سابق وفاقی وزیرداخلہ چوہدری نثار لندن روانہ ہو گئے

سابق وفاقی وزیرداخلہ چوہدری نثار لندن روانہ ہو گئے،چوہدری نثار پرواز پی کے 785 پر اسلام آباد سے لندن روانہ ہوئے۔جہاں ان کی اہم سیاسی شخصیات سے ملاقات کا امکان ہے۔ٹکٹ پران کی واپسی کی تاریخ 24 فروری درج ہے۔

مسلم لیگ ن کے قائد نواز شریف اورسینئر سیاستدان چوہدری نثار کے درمیان صلح کیلیے آخری کوشش کے طور پراسحاق ڈار متحرک ہو گئے ہیں،سابق وفاقی وزیر داخلہ چوہدری نثار لندن روانہ ہو گئے ہیں جبکہ شہباز شریف، اسحاق ڈار پہلے سے وہاں موجود ہیں۔

اسحاق ڈار، چوہدری نثارکو مشورہ دیں گے کہ وہ نوازشریف کی عیادت کیلیے ان کی رہائش گاہ پر جائیں اور بیگم کلثوم کی وفات پران کے ساتھ تعزیت کریں، چوہدری نثاراگراس پرراضی ہوگئے تو برف پگھلنا شروع ہو جائیگی۔

لاہور ہائیکورٹ کی طرف سے مریم نواز کے لندن جانے کا فیصلہ رواں ہفتے متوقع ہے، ریلیف ملنے کی صورت میں ن لیگ کی نائب صدر مریم نواز فوری لندن جائیں گی۔