ترک صدرآج رات اسلام آباد پہنچیں گے

ترک صدر طیب اردوان آج رات اسلام آباد پہنچیں گے، وزیراعظم عمران خان نور خان ایئربیس پر استقبال کریں گے۔

نجی ٹی وی کے مطابق ترک صدر طیب اردوان کے دورہ پاکستان کی تیاریاں مکمل کرلی گئی ہیں۔ ذرائع کے مطابق ترک صدرآج رات دو روزہ دورے پرپاکستان پہنچیں گے، معززمہمان کی صدر، وزیراعظم سمیت اہم شخصیات سے ملاقاتیں شیڈول ہیں۔

طیب اردوان 14 فروری کو پارلیمنٹ کے مشترکہ اجلاس سے خطاب کرینگے،اعلیٰ سطح وفد بھی ترک صدرکے ہمراہ پاکستان آئیگا، ترک ایڈوانس سیکیورٹی ٹیم کی مشاورت سے سیکیورٹی پلان بھی تیارکرلیا گیا۔