سندھ ہائیکورٹ نے کور کمانڈر حملہ کیس کا فیصلہ سنا دیا

سندھ ہائیکورٹ نے کور کمانڈر حملہ کیس کا فیصلہ سناتے ہوئے 9 ملزمان کی سزائے مو ت کو برقرار رکھا ہے جبکہ دو افراد کو بری کردیا۔

تفصیلات کے مطابق 2006 میں کورکمانڈرکراچی احسن سلیم حیات کے قافلے پر حملہ ہوا تھا جس پاک فوج کے 6 جوان شہید ہوئے تھے ،انسداد دہشتگردی کی عدالت نے 11 ملزمان کو سزائے موت سنائی تھی ، ملزمان کی سزائے موت کے خلاف اپیل سندھ ہائیکورٹ میں زیر سماعت تھی جس کا فیصلہ آج سنا دیا گیاہے ۔

عدالت نے 9 ملزمان کی سزائے موت کو برقرار رکھا ہے جبکہ 2 کو بری کردیا ہے جن میں یعقوب سعید خان اور نجیب اللہ شامل ہیں ۔ سزائے موت کی سزا پانے والوں میں عطاالرحمان ، شہزاد باجوہ ، دانش امام ،عزیزاحمد ، شہزاد مختار، راﺅ خالد ، شعیب صدیقی ،خالد اور خرم سیف اللہ شامل ہیں۔