وزیراعظم کل ایک روزہ دورے پر قطر جائیں گے

وزیراعظم عمران خان کل ایک روزہ دورے پر قطر جائیں گے جس کی تیاریاں مکمل کرلی گئی ہیں۔

نجی ٹی وی کے مطابق وزیراعظم عمران خا ن کے ایک روزہ دورہ قطرکے موقع پر زلفی بخاری اور ندیم بابر بھی ان کے ہمراہ ہوں گے ۔ اپنے دورے کے دوران وزیراعظم عمران خان امیر قطرسے ملاقات کریں گے جبکہ اس کے علاوہ وہ قطری سرمایہ کاروں سے بھی میٹنگ کریں گے جس دوران دو طرفہ تجارت اورتوانائی کے شعبے میں تعاون پر بات چیت ہو گی ۔

یاد رہے کہ حال ہی میں ترکی کے رجب طیب اردگان نے پاکستان کا کامیاب دورہ کیا جس دوران انہوں نے پارلیمنٹ کے مشترکہ اجلاس سے خطاب بھی کی ،انہوں نے اپنے اس خطاب میں نہایت جذباتی اندازاپنایا اور پاکستانیوں کے دل جیت لیے۔