صدر مملکت نے فوجی اعزازات دینے کی منظوری دیدی

صدر مملکت نے فوجی اعزازات دینے کی منظوری دیدی،بری،فضائی اور بحری افواج کے 3 جوانوں کو ستارہ بسالت سے نوازا گیا۔

پاک فوج کے تعلقات عامہ کے شعبے (آئی ایس پی آر) کے مطابق یوم پاکستان پر صدر مملکت نے تینوں مسلح افواج کیلیے اعزازات تفویض کردیے ،بری،فضائی اور بحری افواج کے 3 جوانوں کو ستارہ بسالت سے نوازا گیا۔

آئی ایس پی آرکے مطابق 66جوانوں کو تمغہ بسالت اور39 کو امتیازی اسناد سے نوازا گیاجبکہ 65جوانوں کو چیف آف آرمی اسٹاف کے تعریفی کارڈ سے نوازا گیا۔

آئی ایس پی آرکے مطابق 23جوانوں کو ہلال امتیاز ملٹری اور112 کو ستارہ امتیاز ملٹری سے نوازا گیا،137جوانوں کو تمغہ امتیاز ملٹری سے نوازا گیا۔