چینی اسکینڈل پر فرانزک کمیشن نے تین ہفتے کا مزید وقت مانگ لیا

معاون خصوصی برائے احتساب شہزاد اکبر نے کہا ہے فرانزک کمیشن نے 3 ہفتوں کا وقت مانگا ہے، درخواست پر کابینہ کے اجلاس میں غور کیا جائے گا۔

معاون خصوصی شہزاد اکبر نے ٹویٹر پراپنے پیغام میں کہا کہ فرانزک کمیشن کی رپورٹ ہفتے کو آنی تھی تاہم وفاقی حکومت سے 3 ہفتے بڑھانے کی درخواست کی گئی جس پر 28 اپریل بروز منگل کو ہونے والے کابینہ اجلاس میں غور کیا جائے گا۔

Sugar forensic Commission report was due today, however the Commission has requested the fed Gov for extension of time (3 weeks) for submission of a thorough report, their request will be considered by the fed cabinet on Tuesday. @pid_gov @PTIofficial

— Mirza Shahzad Akbar (@ShazadAkbar) April 25, 2020

یہ امرقابل ذکر ہے کہ قومی احتساب بیورو(نیب) کو چینی اورگندم اسکینڈل کی تحقیقات سونپی گئی ہیں اورڈی جی نیب راولپنڈی عرفان نعیم منگی مختلف تحقیقاتی ایجنسیوں کے افسران پر مشتمل جے آئی ٹی کی سربراہی کر رہے ہیں۔