محکمہ موسمیات نے بارشوں کی پیش گوئی کردی

محکمہ موسمیات نے ملک کے بیشترعلاقوں میں آج سے 2 مئی تک گرج چمک کے ساتھ بارشوں کی پیش گوئی کردی۔

نجی ٹی وی کے مطابق بالائی خیبر پختونخوا، اسلام آباد، کشمیر، گلگت بلتستان کے روزہ داروں کے لیے بارشوں کی نوید سنادی گئی ہے۔محکمہ موسمیات کا کہنا ہے کہ اگلے پورے ہفتے کے دوران ان علاقوں میں تیز ہواؤں و گرج چمک کے ساتھ بارشیں ہونے کا امکان ہے۔

محکمہ موسمیات کے مطابق آج سے 2 مئی بروز ہفتہ تک بالائی خیبرپختونخوا، کشمیر، گلگت بلتستان و خطہ پوٹھوہار میں تیز ہواوٴں اورگرج چمک کے ساتھ بارش کا امکان ہے۔ سوموارکو بالائی خیبر پختونخواہ، خطہ پوٹھوہار، اسلام آباد، کشمیراوراس سے ملحقہ پہاڑی علاقوں، منگل کو بالائی خیبر پختونخوا، خطہ پوٹھوہار،اسلام آباد، کشمیراوراس سے ملحقہ پہاڑی علاقوں اور بدھ کو بالائی خیبر پختونخوا، کشمیراوراس سے ملحقہ پہاڑی علاقوں میں تیز ہواوٴں اور گرج چمک کے ساتھ بارش کا امکان ہے۔

جمعرات کو بالائی خیبر پختونخوا، کشمیراورگلگت بلتستان میں، جمعہ کو بالائی خیبر پختونخوا، کشمیر اورگلگت بلتستان  جبکہ ہفتے کو بالائی خیبر پختونخوا، کشمیراورگلگت بلتستان میں تیز ہواوٴں اورگرج چمک کے ساتھ بارش کا امکان ہے۔