سانحہ 12 مئی کے خلاف وکلا کاعدالتوں کا بائیکاٹ

پنجاب بھرکے وکلاآج سانحہ 12 مئی کراچی کے خلاف عدالتوں کا بائیکاٹ کریں گے۔وائس چیئرمین پنجاب بارکونسل کا کہنا ہے کہ پنجاب بار کونسل کی کال پر وکلابرادری عدالتی کارروائی کا بائیکاٹ کرے گی۔

انہوں نے کہا کہ12مئی 2007 کو کراچی میں کھلی دہشت گردی کی گئی تھی۔وائس چیئرمین پنجاب بار کونسل نے کہا کہ سانحہ 12 مئی کراچی کے خلاف وکلااحتجاج کریں گے اوراحتجاج کے طورپر وکلابازوﺅں پر سیاہ پٹیاں باندھیں گے۔

واضح رہے کہ12 مئی 2007 کو وکلاتحریک اپنے عروج پر تھی، اس وقت کے غیر فعال چیف جسٹس افتخار محمد چوہدری سندھ ہائی کورٹ کی 50ویں سالگرہ کے موقع پر کراچی آرہے تھے کہ اس موقع پر شہرکو خون سے نہلا دیا گیا تھا۔

سابق چیف جسٹس افتخار چوہدری کی کراچی آمد کے موقع پر جلاﺅ گھیراﺅ اور پرتشدد واقعات میں 50 افراد جاں بحق اور100 سے زائد زخمی ہوئے تھے۔

وکلارہنماﺅں کا کہنا ہے کہ سانحہ 12 مئی ملکی تاریخ کا سیاہ ترین دن ہے، جسے وکلا’بلیک ڈے‘ کے طور پر مانتے ہیں۔