چیئرمین سینیٹ چیئر پرسن ایف بی آر کے رویے پر نالاں

چیئر پرسن ایف بی آر نوشین جاوید نے چیئرمین سینیٹ سے ملاقات سے عین وقت پر معذرت کرلی جس پر چیئرمین سینیٹ برہم ہوگئے۔

نجی ٹی وی کے مطابق  ایف بی آرکی چیئرپرسن نوشین جاوید کی چیئرمین سینیٹ سے ملاقات طے تھی تاہم نوشین جاوید نے عین وقت پر ملاقات سے معذرت کرلی جس پر چیئرمین سینیٹ برہم ہوگئے۔چیئرمین سینیٹ نے چیئر پرسن ایف بی آر سے ذاتی حیثیت میں جواب طلب کرلیا۔

سینیٹ سیکریٹریٹ نے چیئرپرسن ایف بی آر نوشین جاوید کے نام مراسلہ ارسال کردیا ہےجس میں کہا گیا ہے کہ چیئر پرسن ایف بی آر ذاتی حیثیت میں غیر ذمے دارنہ رویے پر وضاحت پیش کریں۔ غیرتسلی بخش جواب کی صورت میں معاملہ سینیٹ کی قائمہ کمیٹی برائے استحقاق کوبھیجا جاسکتا ہے۔