اسلام آباد سمیت ملک کے مختلف شہروں میں زلزلے کے جھٹکے

راولپنڈی، اسلام آباد اور گردونواح میں زلزلے کے جھٹکے محسوس کیے گئے، لوگ کلمہ طیبہ کا ورد کرتے ہوئے گھروں سے باہر نکل آئے۔زلزلہ پیما مرکز کے مطابق ریکٹراسکیل پر زلزلے کی شدت 5.1 ریکارڈ کی گئی ہے۔

پشاور سمیت خیبر پختونخوا کے متعدد اضلاع میں زلزلے کے جھٹکے محسوس کیے گئے، لوگ کلمہ طیبہ کا ورد کرتے ہوئے گھروں سے باہر نکل آئے۔

خیبر پختونخقوا کے علاقے ایبٹ آباد خیبر، صوابی، سوات، ملاکنڈ، شانگلہ لوئر دیراور تیمر گرہ اور گردونواح میں میں زلزلے کے جھٹکے محسوس کیے گئے۔

سوات، لوئر دیراور تیمرگرہ اور گردونواح میں بھی زلزلہ محسوس کیا گیا اور ساتھ ہی ایبٹ آباد اور بونیر میں بھی زلزلے کے جھٹکے محسوس کیے گئے ہیں۔

زلزلے کا مرکز تاجکستان تھا اور زلزلے کی زیر زمین گہرائی 223 کلو میٹر تھی۔خیال رہے گزشتہ روز بھی ملک کے بیشتر علاقوں میں زلزلے کے جھٹکے محسوس کئے گئے۔