لاہور میں نجی بینک کی عمارت دھماکے کے بعد زمین بوس

لاہورکے علاقے چوبرجی میں واقع نجی بینک کی عمارت دھماکے کے بعد زمین بوس ہو گئی ، ملبے تلے دبے اب تک 7 افراد کوزخمی حالت میں نکال لیا گیاہے جبکہ ایک شخص کے جاں بحق ہوگیا۔

ایس ایس پی آپریشنز فیصل شہزاد کا کہنا ہے کہ ابتدائی معلومات کے مطابق دھماکہ گیس لیکج کے باعث ہوا ہے اور مختلف پوائنٹس اب بھی گیس لیک ہو رہی ہے۔

نجی ٹی وی کی رپورٹ کے مطابق چوبرجی میں زمین بوس ہونے والی عمارت کے ملبے تلے مزید افراد کے دبے ہونے کا خدشہ ہے ، ریسکیو ٹیموں نے موقع پر پہنچ کر امداد ی کارروائیوں کا آغازکردیاہے ،اب تک 7 افراد کو نکال لیا گیاہے جبکہ مزید کو نکالنے کیلیے ملبے کو ہٹایا جارہاہے ۔

یہ واقعہ تقریباً پونے دو بجے کے قریب پیش آیا اوراس وقت جمعہ کے باعث کئی افراد نمازکی ادائیگی کیلیے بھی گئے ہوئے تھے ۔پولیس اور دیگر سیکیورٹی اداروں نے علاقے کا کنٹرول سنبھال لیا اور عمارت کے گرنے کی وجوہات کا تعین بھی کیا جارہاہے۔