کنٹرول لائن پر بھارتی فوج کی اشتعال انگیزی

کنٹرول لائن پر بھارتی فوج کی اشتعال انگیزی کا سلسلہ جاری ہے، کنٹرول لائن پر بیدوری سیکٹر میں بھارتی فوج نے بلااشتعال فائرنگ کی۔

آئی ایس پی آر کے مطابق بھارتی فوج نے شہری آبادی کو نشانہ بنایا، جس کےنتیجے میں 3 معصوم شہری زخمی ہو گئے۔ پاک فوج نے بھارتی فائرنگ کا بھرپور اور موثر جواب دیا،جوابی کارروائی میں بھارتی فوج کو بھاری جانی اور مالی نقصان کی اطلاعات ہیں۔

یاد رہے کہ بھارتی فوج نے گزشتہ روز بھی بیدوری سیکٹر میں پاک فوج کی چوکیوں اور شہری آبادی کو نشانہ بنایا تھا، پاک فوج کی جوابی کارروائی میں دشمن کا بھاری جانی اور مالی نقصان ہوا، فائرنگ کے شدید تبادلے میں پاک فوج کے حوالدار لیاقت شہید ہوگئے تھے۔